مه‌حكووم كردنی هێرشه‌كانی توركیە بۆ سه‌ر ”هه.ده.په”
دوشەممە ۱۹-۰۲-۱۴۰۱ | 09-05-2022
شه‌ش حیزب و ڕێكخراوه‌ی چه‌پی توركیە ڕۆژی شه‌ممه ١٧ی مانگی گوڵان، له به‌یاننامه‌یه‌كدا هێرشه‌كانی ده‌وڵه‌تی توركییەیان بۆ سه‌ر بنكه و باره‌گاكانی ”هه.ده.په” و ئه‌ندامانی ئه‌و حیزبه به توندی مه‌حكووم كرد و خوازیاری ده‌ستبه‌جێ ڕاگرتنی ئه‌و هێرشانه بوون.
به پێی هەواڵه‌كان، شه‌ش حیزبی ”زه‌حمه‌تكێشانی توركیا”، ”حیزبی ماڵه‌كانی خه‌ڵك”، ”فێدراسیۆنی شۆراكانی سۆسیالیست”، ”حیزبی ئازادی كۆمه‌ڵایه‌تیی”، ”حیزبی جووڵانه‌وه‌ی زه‌حمه‌تكێشان” و ”حیزبی كرێكاری توركیا” هێرش بۆسه‌ر بنه‌كه و باره‌گاكانی ”هه.ده.په” یان به توندی مه‌حكووم كردووه و ڕایانگه‌یاندووه هه‌ڕه‌شە و هێرشەکانیحکوومەت بۆ سه‌ر ئه‌و حیزبه، هێرشە بۆسه‌ر ئازادی هه‌موومان و ده‌وڵه‌ت ده‌بێ ده‌ستبه‌جێ كۆتایی به‌و سیاسه‌ته شكستخواردووه بێنێت و ده‌ستبه‌سه‌ركراوان ئازاد كات.