Komala

ساڵانێکە کرێکارانی ئاو و ئاوەڕۆی ئەهواز بەدواداچوون بۆ کشانەوەی پەیمانکارانی دابینکردنی کارەبا لە شیرکەتی ئاو و ئاوەڕۆی شاری ئەهواز دەکەن، بەڵام تا ئێستا بەرپرسانی ڕژیم هیچ بڕیارێکی جددییان نەداوە بۆ لابردنی پەیمانکار و جۆری گرێبەستی کرێکاران، و ئەم بابەتە هەموو ڕۆژێک نیگەرانی کرێکاران زیاد دەکات. کرێکارانی شیرکەتی ئاوی ئەهواز لە بەشی دابینکردنی ئاودا، بە پێچەوانەی کرێکارانی ڕەسمی و گرێبەستی راستەوخۆی سیستەمی ئاو و ئاوەڕۆ، بەدەست کێشەی وەک شیفتی زۆرەملێوە دەناڵێنن و لە سوودەکانی وەک ئیزافە کاری و پاداشت و خزمەتگوزارییەکانی دیکە بێبەشن. هەرچەندە داخوازییەکانی کارمەندانی ڕەسمی و گرێبەستە راستەوخۆکان، بەڕۆژە، بەڵام ئەمە بۆ کرێکارانی پەیمانی نییە و تەنانەت کەمترین حەقدەستەکانیشیان درەنگ وەردەگرن.