Komala

بەپێی زانیارییەکان، ڕۆژی یەکشەممە ٢٠ی جۆزەردان، حەیدەر فەتاحی ٤٣ساڵە و خەڵکی شاری مەریوان، لە لایەن هێزەکانی ئیتلاعاتی سپای پاسداران لەشوێنی کارەکەی لە سێڕێیانی شارەدێی نێ بە بێ هیچ هۆکارێک دەستبەسەر و بۆ شوێنێکی نادیار گواستراوەتەوە.
بە وتەی سەرچاوەیەکی ئاگادار، دوای تێپەڕبوونی یەک حەوتوو لە دەستبەسەرکرانی ئەو هاووڵاتییە، زانیارییەکی ورد لە سەر چارەنووسی ناوبراو لەبەر دەستدا نییە و بەدواچوونی بنەماڵەکەی لەو بوارەوە تا ئێستا بێ ئەنجام ماوەتەوە. ئەمە لەحاڵێکدایە کە هەتا کاتی بڵاو کردنەوەی ئەو هەواڵە، زانیارییەکی ورد لەسەر هۆکاری دەستبەسەرکران، تۆمەتە هەڵبەستراوەکان، شوێنی ڕاگرتنی و چارەنووسی ئەو هاووڵاتییە لەبەر دەستدا نییە.