هێرشی خۆپێشانده‌ران بۆ سه‌ر ساختمانی ڕۆژنامه‌ی كه‌یهان لە تاران
یەکشەممە ۱۰-۰۷-۱۴۰۱ | 02-10-2022
ئێواره‌ی ڕۆژی شه‌ممه ٩ی ڕه‌زبه‌ر، خۆپێشانده‌ران هێرشیان كرده سه‌ر ساختمانی ڕۆژنامه‌ی كه‌یهان و وێڕای شكاندنی دەر‌گا و په‌نجه‌ره‌كانی، به‌شێكیان سووتاند.
ڕۆژنامه‌ی كه‌یهان كه ده‌مڕاستی عه‌لی خامنه‌یی و سپای پاسدارانه و له‌لایه‌ن عه‌لی شه‌ریعه‌تمه‌داریه‌وه به‌ڕێوه‌ده‌چێت، له ناڕه‌زایه‌تییه‌كاندا به‌رده‌وام هێرشی کردۆته سه‌ر خه‌ڵكی ناڕازی و به كه‌سانی سیخوڕ و تێكده‌ری ئاسایشی گشتی ناوی لی ئه‌بردون. له خۆپێشاندانه‌كانی ئه‌م دوایانه‌ش داوای له ناوه‌نده ئه‌منییه‌كان كردبوو كه خۆپێشانده‌ران به سه‌ختترین شێوه سزا بدرین. دەفته‌ری پڕۆپاگه‌ندا و گه‌نده‌ڵییه‌كانی شه‌وی ڕابردوو له‌لایه‌ن خه‌ڵكی ناڕازیه‌وه سووتێندرا.