هێرشی مائمورانی شارەداری شاری گورگان بۆ سەر دەسفرۆشانی ئەو شارە
پێنجشەممە ۲۶-۱۲-۱۴۰۰ | 17-03-2022
مائمورانی شارەداری شاری گورگان هێرشیان کردەسەر دەسفرۆشانی ئەو شارە و بە تێکدانی کەلوپەلی یەکێک لەو دەسفرۆشانە کە ”سەوزە” بووە، هەڕەشەیان لەوانی دیکە کردووە و دەستیان داوەتە ئازار و ئەزیەتی دەسفرۆشان. شایانی باسە بەشێک لە چینی زەحمەتکێشی ئێران لە بەر نەبوونی کار و بێ بایەخی دانی ڕژیم بە بارودۆخی ژیانیان بە ناچاری ڕوویان لە دیاردەی دەسفرۆشی کردووە، کە هەمووکاتێکیش ڕووبەڕوی سەرکوت و هەرەشەی مائمورانی شارەداری شارەکان دەبنەوە.