Komala

فەرماندەیی ناوەندیی هێزەکانی ئەمریکا بڵاویکردەوە، لە شەوی رابردووەوە ٨٥ پێگەی سپای پاسداران و میلیشیاکانی نزیک لە کۆماری ئیسلامیان لە عێراق و سوورییە بۆردوومان کردووە و چەندین کۆگای درۆن و مووشەکی فەیلەقی قودسی پاسداران و دارودەستەکانیان لە عێراق و سوورییە وێران کردووە.
سێنتکام جەخت لەوەش دەکاتەوە، فەیلەقی قوودسی سپای پاسداران و دارودەستەکانی هەڕەشەن بۆ سەر سەروەری و سەقامگیریی عێراق و بەردەوام دەبن لە گرتنەبەری رێکار بۆ پاراستنی هێزەکانیان. شایانی باسە، لە ئەنجامی ئەم هێرشانەدا بە دەیان کەس لە میلیشیاکانی نزیک لە کۆماری ئیسلامی کوژرا و برینداربوون.