هێرشی هێزەکانی ڕژیم بۆ سەر بەشداربووانی رێورەسمی چلەی گیانبەختکردووان لە شاری جوانرۆ
شەممە ۱۰-۱۰-۱۴۰۱ | 31-12-2022
بەپێی ئەو هەواڵانەی بەدەستمان گەیشتووە، هێزەکانی ڕژیم ڕۆژی شەممە ١٠ی بەفرانبار، بە گازی فرمێسک رێژ هێرشیان کردووەتە سەر بەشداربووانی رێوڕەسمی چلەی گیانبەختکردووانی شاری جوانرۆ.
شایانی باسە کە هێزەکانی ڕژیم بە گازی فرمێسک ڕێژ هێرشیان کردووەتە سەر بەشداربووانی ڕێوڕەسمی چلەی گیانبەختکردووانی ڕاپەڕینی خەڵکی شاری جوانرۆ لە گۆڕستانی حاجی ئیبراهیمی ئەمشارە و بەشێوەی راستەوخۆ تەقەیان لە خەڵک کردووە. شایانی باسە، لە ئەنجامی ئەم هێرشە هاووڵاتییەک فیشەکی بەرکەوتووە و بە سەختی بریندار بووە.