Komala

وەزارەتی بەرگریی ئامریکا، بە بڵاوکردنەوەی ئاماری نوێی ‌هێرشەکانی میلیشیاکانی سەر بە کۆماری ئیسلامی ئاشکرای کرد کە لە ماوەی کەمتر لە مانگێکدا، ٥٥ جار هێرش کراوەتە سەر هێزەکانیان لە عێراق و سووریە.
ڕۆژی سێشەممە ٢٣ خەزەڵوەر، سابرینا سینگ، جێگری وتەبێژی وەزارەتی بەرگریی ئامریکا – پێنتاگۆن لە کۆنفرانسێکی ڕۆژنامەوانیدا ڕایگەیاند کە هێرشی گرووپە چەکدارەکانی سەر بە ڕژیمی کۆماری ئیسلامی بۆ سەر سەربازەکانیان لە عێراق و سووریە زیادی کردووە کە بریندرابوونی ٥٩ سەربازی ئەمریکایی لێ کەوتووەتەوە.
سابرینا سینگ باسی لەوە کردووە کە لە ماوەی مانگێکدا ٥٥ جار هێرش کراوەتە سەر هێزەکانیان لە عێراق و سووریە؛ کە ٢٧یان لە عێراق بووە و ٢٨جارەکەی دیکەش لە سووریە بووە.