پەیوەست بوونی یەکێتیی ئەکتەرانی هالیوود بە مانگرتنی سێنفی نووسەران و ڕۆڵگێڕانی تیلوێزیۆنی ئەمریکا
هەینی ۲۳-۰۴-۱۴۰۲ | 14-07-2023
یەکێتێێ ئەکتەرانی هالیوود کە نوێنەرایەتیی زیاتر لە ١٦٠ هەزار ئەکتەر دەکات، بە دوای شکستی وتووێژەکان لەگەڵ بەڕێوەبەرانی ستدیۆکان، دەستیاندایە مانگرتن.
لەحاڵێکدا کە سێنفی نووسەران و ڕۆڵگێڕانی سینەما لە مانگی ئایارەوە دەستیانداوەتە مانگرتن، یەکێتیی ئەکتەرانی هالیوود ڕایگەیاندووە کە لە پێنجشەممەوە بەم مانگرتنەوە پەیوەست بووە. شایانی باسە، ئەمە یەکەم جارە لە ماوەی ٦٣ ساڵی ڕابردوو، ستدیۆکان لەگەڵ مانگرتنی یەکێتیی نووسەران “WGA” و هەروەها یەکێتیی ئەکتەران “SAG_AFTR” بەرەوڕوو دەبێتەوە. هەوڵێک کە بووەتە هۆی پەککەوتنی کاتی زۆربەی بەرهەمەکان لە سەرتاسەری ویلایەتە یەکگرتووەکانی ئەمریکا.