چارەنووسی نادیاری هاووڵاتیەکی دەستبەسەرکراوی خەڵکی مەهاباد
چوارشەممە ۰۷-۰۴-۱۴۰۲ | 28-06-2023
دوای تێپەڕینی یازدە ڕۆژ بەسەر دەستبەسەرکرانی مەجید مستەفازادە، تەمەن ٤٢ ساڵ، خێزاندار و خەڵکی مەهاباد لەلایەن هێزەکانی ئیتلاعاتی سوپای پاسدارانەوە، هەتا ئێستا هیچ زانیارییەک سەبارەت بە چارەنووسی لە بەردەستدانییە.بەوتەی سەرچاوەکانی هەواڵ، مەجید مستەفازادە، لە ڕۆژی ٢٧ی جۆزەردانی ئەم ساڵ، لەلایەن هێزەکانی ئیدارەی ئیتلاعاتی سوپای پاسدارانی ڕژیم لە شاری مەهاباد بەبێ هیچ هۆکارێک دەستبەسەرکرا.هەتاکاتی داڕشتنی ئەم هەواڵە، هیچ زانیارییەک لەسەر ئەو تۆمەتانەی کە دراونەتە پاڵ ئەم هاووڵاتییە لەبەردەستدانییە و بەدواداچوونەکانی بنەماڵەکەی بەبێ ئەنجام ماوەتەوە.