ڕاپۆرتێک سەبارەت بە پێشێل کردنی مافی مرۆڤ لە شارەکانی کوردستان
شەممە ۱۰-۱۰-۱۴۰۱ | 31-12-2022
بە پێی ئامارە تۆمار کراوەکان ، لە ماوەی ساڵی ٢٠٢٢ی زایینی دا، لانیکەم ٥٢ هاووڵاتیی لە شارەکانی کوردستان لە سێدارە دراون و زیاتر لە ٢٢١٢ هاووڵاتی دەستبەسەر کراون کە ١٥٥ کەسیان سزای سێدارە، بەندکران و لێدانی شەلاقیان بەسەردا سەپاوە. هەروەها لەو ماوەیەدا ٢٩٠ کۆڵبەر و کاسبکاربە تەقەی راستەوخۆی هێزەکانی ڕژیم کوژراون یان بریندار بوون. هەروەها ١٢٨ هاووڵاتی مەدەنی کوژراون و زیاتر لە ٣٠٠٠ هاووڵاتی بریندار بوون. ٣٧ هاووڵاتیش بە هۆی تەقینەوەی مینەوە بوونەتە قوربانی و ١٩ بەندکراویش لە زیندانەکانی کوردستان گیانیان لە دەست داوە. هەروەها ٥٥ کرێکار بە هۆی ڕووداوی کار گیانیان لە دەست داوە و ١٦٣ کرێکاریش لە سەر کارەکانی خۆیان دەرکراون.