ڕاگواستنی سوهەیلا حیجاب لە زیندانی کرماشانەوە بۆ نەخۆشخانە
شەممە ۰۷-۱۲-۱۴۰۰ | 26-02-2022
ڕۆژی پێنجشەمە 5ی ڕەشەممە، سوهەیلا حێجاب پارێزەر و چالاکی بواری مافەکانی مرۆڤی و خەڵکی کرماشان، بە هۆی تووشبوونی بە پەتای کۆرۆنا و تێکچوونی باری تەندروستی، لە زیندانی کرماشانەوە گواسترایەوە بۆ نەخۆشخانە.
سوهەیلا حێجاب لە مانگی خەرمانانی ساڵی ١٣٩٨ی هەتاوی لە لایەن هێزە ئەمنییەکانی شاری کرماشانەوە دەسبەسەر کرا. ناوبراو دواتر لە لایەن لقی ٢٨ی دادگای تاران، بە تۆمەتی پڕوپاگاندا دژی نیزام و تەبانی و هەوڵدان دژی تەناهی، سزای ١٨ساڵ بەندکرانی بەسەردا سەپا.