Komala

بەهرام ئەحمەدیان، بەندکراوی خەڵکی ورمێ بەمەبەستی جێبەجێکرانی حوکمی ئێعدام بۆ ژووری تاکەکەسی زیندانی ناوەندی ورمێ گواستراوەتەوە و مەترسیی جێبەجێکرانی حوکمی سێدارەکەی لە ئارادایە.
ئەو بەندکراوە پێشتر بە تۆمەتی “کوشتنی بە ئەنقەست” دەستبەسەر کرابوو وحوکمی سێدارەی بەسەردا سەپێندرابوو. بەپێ ئەم ڕاپۆرتە، نیوەڕۆی ڕۆژی سێشەممە ٢ی گەلاوێژ، بەهرام ئەحمەدیان، تەمەن ٣٣ ساڵ و خەڵکی گوندی “گرەک” سەر بە ناوچەی  مەرگەوەڕی ورمێ، بۆ ژووری تاکەکەسیی زیندانی ئەمشارە گواستراوەتەوە. ئەو هاووڵاتییە سێ ساڵ و نیو لەمەوبەر بە تۆمەتی کوشتنی بە ئەنقەست دەستبەسەر کرابوو و لەلایەن دەزگای دادوەریی کۆماری ئیسلامییەوە حوکمی ئێعدامی بەسەردا سەپێندرابوو.