ڕفاندنی لاوێکی تەمەن ١٧ ساڵ لە لایەن هێزەکانی ڕژیم لە شاری بۆکان
شەممە ۱۳-۱۲-۱۴۰۱ | 04-03-2023
لەدرێژەی دەستبەسەر کردن و ڕفاندنی هاووڵاتییان لە شاری بۆکان، هێزە ئەمنییەکانی ڕژیم لاوێکی خەڵکی ئەمشارەیان ڕفاند و گواستیانەوە بۆ شوێنێکی نادیار.
بەپێی ڕاپۆرتەکان، سەرلەبەیانی ڕۆژی هەینی ١٢ی ڕێبەندان، لاوێکی تەمەن ۱۷ساڵەی خەڵکی شاری بۆکان بە ناوی “سۆهەیل کەریم گوڵان”، لە شەقامی ساحلی ئەمشارە لە نزیک خوێندنگای ئامادەیی ئیستقلال لە لایەن هێزەکانی ڕژیمەوە ڕفێندرا و گواسترایەوە بۆ شوێنێکی نادیار. تا کاتی بڵاوکردنەوەی ئەم هەواڵە، هیچ زانیارییەک لەسەر چارەنووسی ناوبراو لەبەردەستدا نییە.