Komala

ڕۆژی چوارشەممە، ٢٣ی سەرماوەز چوار خوێندکاری کۆلێژی تەکنیکیی کچانەی شاری سنە بە ناوەکانی تینا خدری، سەنا خودامورادی، ڕزوان بازانیقەلعە و هانیە چەهاردۆڵی، لە پێش دەرکی بەشی ناوخۆیی ئەو کۆلێژە دەسبەسەر کران.
بە وتەی شایەتحاڵان، هێزەکانی کۆماری ئیسلامی پێشتر بە ئۆتۆمبێلێکی ڕەقەم مەدەنی لە پێش دەرکی چوونە ژوورەوەی خەوتنگەی ئەو خوێندکارانە خۆیان جێگیر کردبوو.
لە لایەکی ترەوە ڕۆژی سێشەممە، ١٩ی سەرماوەز بیتا وەیسی، تەمەن ٢٠ ساڵ و خەڵکی شاری پاوە، لە ڕەوتی ناڕەزایەتیی خوێندکارانی کۆلێژی تەکنیکیی کچانەی شاری سنە، لەلایەن ئەو هێزانەوە ڕفێندراوە.
تا ئێستا لەسەر چارەنووس و شوێنی ڕاگیران و هەروەها بارودۆخی تەندروستیی ئەو خوێندکارانە هیچ زانیارییەک لە بەردەستدا نییە.