ڕفاندنی یاریزانێکی تۆپی پێ لە لایەن هێزەکانی ڕژیمەوە لە شاری بۆکان
یەکشەممە ۱۳-۰۱-۱۴۰۲ | 02-04-2023
بەگوێرەی زانیارییەکان، ڕۆژی پێنجشەممە ١٠ی خاکەلێوە، “ئیسماعیل عەلی پەروەری”، یاریزانی تۆپی پێ و ڕاهێنەری تۆپی پێی تازەلاوان لە شاری بۆکان، لە لایەن هێزەکانی دەزگای زانیاریی ئەمشارە دەستبەسەر و ڕاپێچی شوێنێکی نادیار کراوە.
بەپێی ئەم ڕاپۆرتە، ئیسماعیل عەلی پەروەری تەمەن ٣٣ ساڵ و دانیشتووی گەرەکی “تەپەی کەڵهۆڕئاوا”ی شاری بۆکانە. ئەمە لەحاڵێکدایە هەتا ئێستا هیچ زانیارییەک لەسەر ئەو تۆمەتانەی دراوەتە پاڵ نابراو و هەروەها چارەنووس و شوێنی ڕاگیرانی دوای ڕفاندنی لەلایەن هێزەکانی ئیتلاعاتی بۆکانەوە لەبەردەست دا نییە.