کوشتنی هاووڵاتییەکی خەڵکی سەڵماس لەلایەن هێزەکانی ڕژیمەوە
هەینی ۰۲-۱۰-۱۴۰۱ | 23-12-2022
بە پێی ڕاپۆرتەکان؛ (شەمسەدین شەکوری حەسەن ئابادی) خەڵکی شاری سەڵماس و دانیشتووی شاری تاران، ڕۆژی ٢٥ی سەرماوەز بە شێوەیەکی دڕندانە لە لایەن هێزەکانی ڕژیمەوە لە ماڵەکەی خۆیدا کوژراوە.
شایانی باسە کە ناوبراو لە کاتی خۆپیشاندانە سەرتاسەرییەکانی ساڵی ۱۳۸۸ی هەتاوی لە لایەن هێزە سەرکوتگەرەکانی کۆماری ئیسلامییەوە بە گوللەی جەنگی بریندار کرابوو. جێگەی ئاماژەیە، هێزەکانی ڕژیم هەڕەشەیان لە بنەماڵەی ناوبراو کردووە کە مافی ئەوەیان نییە لەم پێوەندەدا لەگەڵ هیچ میدیایەک قسە بکەن. بەپێی ئەم ڕاپۆرتە، تەرمی (شەمسەدین شەکوری حەسەن ئابادی) ڕۆژی چوارشەممه ٢٩ی سەرماوەز لە ئاوای (قەسریک)ی ورمێ ئەسپەردەی خاک کراوە.
