Komala

بەرەبەیانیی ئەمڕۆ چوارشەممە ١٠ی گەلاوێژ، بزووتنەوەی حەماس لە ڕاگەیەندراوێکدا کوژرانی ئیسماعیل هەنییە، بەرپرسی مەکتەبی سیاسیی بزووتنەوەکەی و پاسەوانێکی، لە ئەنجامی هێرشێکی ئیسرائیل لە تارانی پایتەختی ئێران ڕاگەیاند. 
حەماس ئەوەشی خستووەتە ڕوو، ئیسماعیل هەنییە دوای بەشداریی لە رێوەڕەسمی دەستبەکاربوونی سەرۆک کۆماری نوێی ئێران، چووەتە شوێنی مانەوەی لە تاران و دواتر کراوەتە ئامانج. هاوکات بەشی پەیوەندییە گشتییەکانی سپای پاسدارانی ئێران کوژرانی هەنییەی پشتڕاست کردەوە و ڕایگەیاند، لێکۆڵینەوەکان لە ڕووداوەکە دەستیان پێ کردووە و دواتر ئەنجامەکەی بڵاو دەکەنەوە.