Komala

ئێوارەی ڕۆژی یەکشەممە ٦ی جۆزەردان، هێزەکانی سپای پاسداران لە جاددەی گاڕانی مەریوان بەدوای شوێنهەڵگرتن و تەقەی ڕاستەوخۆ لە ئۆتۆمبێلێک، شۆفێرەکەیان بەناوی ئاژوان کیانییان کوشتووە.
بەوتەی سەرچاوە ئاگادارەکان، هێزەکانی سپای پاسداران بە گومانی هەڵگرتنی شتوومەکی قاچاغ، ئۆتۆمبێلی ئەو هاووڵاتییەیان داوەتە بەر دەستڕێژی گوللە و لە ئەنجامدا ئەو لاوە دەستبەجێ گیانی لەدەستداوە. شایانی باسە، تەرمی ئاژوان کیانی بۆ یەکێک لە ناوەندە دەرمانییەکانی مەریوان گواستراوەتەوە و هەتا ئێستا ڕادەستی بنەماڵەکەی نەکراوەتەوە.