Komala

کۆمەڵێک لە خانەنشین کراوانی تەئمین ئیجتماعی شارەکانی ئێران، ڕۆژی یەکشەممە ٥ی خەرمانان، لە ناڕەزایەتیی بە جێبەجێ نەکرانی خواستەکانیان، دەستیاندایە کۆبوونەوە.
بەپێی ئەم ڕاپۆرتە، خانەنشین کراوانی تەئمین ئیجتماعی شارەکانی، شووش، کەرخه، حەوت تەپە، دزفوول، ئەهواز، شووشتەر و کرماشان، لە ناڕەزایەتیی بە بارودۆخی نالەباری ژیانیان و پێڕانەگەیشتن بە خواستەکانیان، سەر لەنوێ لە بەرامبەر بینای تەئمین ئیجتماعی ئەمشارانە، دەستیاندایە کۆبوونەوە و خوازیاری وەڵامدانەوەی بەرپرسان بە کێشە و گرفتەکانیان بوون.