کۆبوونەوەی ناڕەزایەتیی خانەنشین کراوانی تەئمینی ئیجتماعی لە شووش
یەکشەممە ۲۹-۰۵-۱۴۰۲ | 20-08-2023
کۆمەڵێک لە خانەنشین کراوانی تەئمین ئیجتماعی شووش، کەرخە و حەوت تەپە، لە ناڕەزایەتیی بە جێبەجێ نەکرانی خواستەکانیان، سەرلەنوێ دەستیاندایە کۆبوونەوە.
بەپێی ئەم ڕاپۆرته، ڕۆژی یەکشەممە ٢٩ی گەلاوێژ، خانەنشین کراوانی تەئمین ئیجتماعی بە ڕێپێوان لە شەقامەکانی شاری شووش و وتنەوەی چەندین درووشمی ئێعتڕازی وەک “تەنیا لە شەقامەکان وەدی دێت خواستەکانمان” و کۆبوونەوە لەبەرامبەر بینای تەئمین ئیجتماعی ئەمشارە، خوازیاری وەڵامدانەوەی بەرپرسان بە کێشەکانیان بوون.