Komala

کۆمەڵێک لە خانەنشین کراوانی تەئمین ئیجتماعی شووش، کەرخە،حەوت تەپە، ئەهواز و کرماشان، ڕۆژی یەکشەممە ١٢ی خەرمانان، لە ناڕەزایەتیی بە جێبەجێ نەکرانی خواستەکانیان، دەستیاندایە کۆبوونەوە.
بەپێی ئەم ڕاپۆرتە، خانەنشین کراوانی تەئمین ئیجتماعی شارەکانی، شووش، کەرخه، حەوت تەپە، لە ناڕەزایەتیی بە بارودۆخی نالەباری ژیانیان و پێڕانەگەیشتن بە خواستەکانیان، بە رێپێوان لە ئاستی شاری شووش و وتنەوەی درووشمی “تەنیا لە شەقامەکان وەدی دێت مافەکانمان” سەر لەنوێی لە بەرامبەر بینای تەئمین ئیجتماعی ئەمشارە، دەستیاندایە کۆبوونەوە و خوازیاری وەڵامدانەوەی بەرپرسان بە کێشە و گرفتەکانیان بوون. هەروەها خانەنشین کراوانی تەئمین ئیجتماعی لە ئەهواز و کرماشان، بە کۆبوونەوە لە بەرامبەر بینای تەئمین ئیجتماعی ئەمشارانە، خوازیاری پێڕاگەیشتن بە خواستەکانیان بوون.