گوشاری هێزەکانی ئیتلاعاتی ڕژیم بۆ سەر قوتابخانەکانی مەریوان
دوشەممە ۲۱-۰۹-۱۴۰۱ | 12-12-2022
ڕۆژی شەممە، ١٩ی سەرماوەز، هێزە ئیتلاعاتییەکانی ڕژیمی کۆماری ئیسلامی لە شاری مەریوان هەڵیان کوتاوەتە سەر قوتابخانەی سەرەتایی ئیقباڵ لاهوری و بەبێ هیچ ڕێزێک بۆ مامۆستا و بەڕێوەبەری قوتابخانەکە زۆر دڕندانە یەک بە یەک ساکی قوتابییەکان دەپشکنن.
ئەو هێزانەی ڕژیم کتێبی هەموو منداڵەکانیان پشکنیوە هەتا بزانن کێ موبایلی پێیە و هەروەها بۆ ئەوەیکە بزانن ئەو منداڵانە کامیان وێنەی خۆمەینی لە کتێبەکانیان دڕاندووە یان خەت خەتی کردووە، دەبێ باوکیان سەردانی ئیدارەی ئیتلاعاتی ڕژیم لە شاری مەریوان بکات.