گیان لەدەستدانی زیاتر لە ٥٠ هەزار کەس لە تورکییە
یەکشەممە ۰۳-۰۲-۱۴۰۲ | 23-04-2023
بەپێی دوایین ئاماری قوربانیانی بوومەلەرزەکەی مانگی فێورییە لە باشووری ڕۆژهەڵاتی تورکییە، ٥٠ هەزار و ٧٠٠ کەس گیانیان لەدەست داوە.
هاوکات سولەیمان سویلۆ وەزیری ناوخۆی تورکییە ڕایگەیاندووە، لەم ژمارەیە، زیاتر لە ٧ هەزار کەسیان کۆچبەر بوون. پێویستە ئاماژە بکرێت کە لە ڕێکەوتی ٦ی مانگی فێورییەی ٢٠٢٣، ڕێکخراوی زەویناسی ئەمریکا ڕایگەیاند کە دوو بوومەلەرزەی بەهێز بە گوڕی ٧ و ٨ دەهۆم و ٧ و ٦ دەهۆمی ریختێر، بە مەودای زەمەنی کەمتر لە ١٠ خولەک، باشوور و ناوەندی تورکییەی هەژاندووە. جێگەی ئاماژەیە، ئەم بوومەلەرزەیە، مەرگهێنەرترین بوومەلەرزە لە ساڵی ١٩٩٩ی زاینیی بەم لاوە بووە.