گیانلەدەستدان و برینداربوونی 5 کرێکار بەهۆی نەبوونی ئیمەنی شوینی کار
سێشەممە ۱۲-۱۱-۱۴۰۰ | 01-02-2022
بە هۆی ڕوداوی ئاگرکەوتنە لە کارخانەیەکی کەلوپەلی خۆراکی لە شارەکی پیشەسازی شاری مەشهەد،چوار کرێکار گیانیان لەدەستدا و کرێکارێکیش بەسەختی بریندار بوو، کە بۆ چارەسەری پزیشکی، ڕەوانەی یەکێک لە ناوەندە دەرمانییەکانی شاری مەشهەد کراوە.
جێگای سەرنجە لە ئێراندا بە هۆی نەبوونی ئیمەنی لە شوینی کار ساڵانە گیانلەدەستدان و بریندار بوونی کرێکاران لە سەر کارەکانیان ڕێژەیەکی بەرچاو تۆمار دەکات و هەروەها وڵاتی ئێران به هۆی نەبوونی ئیمەنی لە شوینی کار، لە پلەی 102ی وڵاتانی جیهان دایە.