گیانلەدەستدان و برینداربوونی ٣ کرێکار لەشارەکانی زاهدان و ئیسفەهان
یەکشەممە ۲۲-۱۲-۱۴۰۰ | 13-03-2022
رۆژی شەممە ٢١ی رەشەممە، کرێکارێکی تەمەن ٥٠ساڵ لە کاتی کارکردن لە بینایەک لەشاری زاهدان، بەهۆی نەبوونی ئیمەنی لەشوینی کار و بەربوونەوە لە قاتی چوارەمی ئەو بینایە بەداخەوە گیانی لەدەستدا.
لەروداوێکی دیکە هەر لەهەمان رۆژ دا، دوکرێکاری تەمەن ٤٧ و ٧٠ ساڵ لە کاتی کارکردن لە ناوەندێکی پیشەسازی لەشاری ئیسفەهان، بەهۆی ئاگرگرتنی ئەو ناوەندە و نەبوونی ئیمەنی پێویست گیانیان لەدەستدا و برینداربوون. کرێکارە تەمەن ٧٠ ساڵەکە بەداخەوە گیانی لەدەستداوە و کرێکارە تەمەن ٤٧ ساڵەکەش بەتوووندی برینداربووە و باری تەندروستی ناجێگیر راگەیەندراوە.
تا ئێستا هۆکاری ئاگرکەوتنەوە لەو ناوەندە پیشەسازییە ئاشکرا نەکراوە.