گیانلەدەستدانی ٩کەس بەهۆی داڕمانی باڵەخانەیەک لە حەڵەب
یەکشەممە ۰۲-۱۱-۱۴۰۱ | 22-01-2023
بەپێی ڕاپۆرتەکان، لە ئەنجامی داڕمانی باڵەخانەیەک لە کۆڵانی مەعرووف لە گەڕەکی شێخ مەقسوودی حەڵەب، ٩ کەس گیانیان لەدەستدا و دوو کەسی دیکەش بریندار بوون.
بەرەبەیانیی رۆژی یەکشەممە ٢ی ڕێبەندان، بەهۆی داڕمانی باڵەخانەیەکی نیشتەجێبوون لە گەڕەکی شێخ مەقسوودی حەڵەب لە سوورییە کە حەوت خێزانی تێدا دەژیا، نۆ کەس گیانیان لەدەستداوە و مێرمنداڵیکی ١٥ ساڵ تەمەن و کەسێکی بە تەمەنیش برینداربوون. شایانی باسە، ژمارەیەکی دیکە لەو کەسانەی لە باڵەخانەکەدا بوون، لەژێر داروپەردووی باڵەخانەکەدا ماونەتەوە و تیمەکانی فریاگوزاریش سەرقاڵی گەڕانن بەشوێن بێسەروشوێن بووانی رووداوەکەدا.