ئازادی کاتی هاووڵاتیەکی دەستبەسەرکراوی خەلکی سنە
چوارشەممە ۰۹-۰۶-۱۴۰۱ | 31-08-2022
پەیمان سەڵەواتی هاووڵاتیی دەستبەسەرکراوی خەڵکی سنە دوای ٦٦ ڕۆژ دەستبەسەرکران، ڕۆژی سێشەممە ٨ی خەرمانان، بە دانانی بارمتە و بە شێوەی کاتی لە بەندیخانەی ناوەندیی سنە ئازاد کرا. پەیمان سەڵەواتی لە ماوەی ئەو ڕۆژانەی کە دەستبەسەر بووە لە مافی هەبوونی پارێزەر و هەروەها چاوپێکەوتن لەگەڵ بنەماڵەکەی بێبەش بووە.
پەیمان سەڵەواتی ڕۆژی شەممە ٤ی پووشپەڕ، بە تۆمەتی هاوکاری لە گەل یەکێک لە حیزبە سیاسیەکانی کوردوستان لەلایەن هێزەکانی ئیدارەی ئیتلاعاتی سنە دەستبەسەر و بۆ دەستبەسەرگەی ئەم ناوەندە ئەمنییە گوازرایەوە.
