Komala

هاووڵاتییەکی خەڵکی بۆکان بە ناوی ئیسماعیل کەریمی و دانیشتووی میراوا لەلایەن هێزەکانی ئیدارەی ئیتلاعاتی ڕژیم دەستبەسەر و چارەنووسی نادیارە. هێزەکانی ئیدارەی ئیتلاعاتی بۆکان ڕۆژی پێنجشەممە ٢١ی گەلاوێژ، هەڵیانکوتاوەتە سەر ماڵی ئیسماعیل کەریمی و بە بێ هیچ هۆکارێک دەستبەسەریان کردووە.

هێزەکانی ئیدارەی ئیتلاعات هاوکات لەگەڵ دەستبەسەرکرانی ئیسماعیل کەریمی ماڵەکەیان پشکنیوە و دەستیان بەسەر هەندێک کەل و پەلی شەخسی ناوبراودا گرتووە. هەتا کاتی ئامادە کردنی ئەم هەواڵە، زانیارییەکی ورد لەسەر هۆکاری دەستبەسەرکران و ئەو تۆمەتانەی دراوەتە پاڵ ئیسماعیل کەریمی و هەروەها چارەنووس و شوێنی ڕاگیرانی لەبەردەستدا نییە.