كوژران و برینداربوونی ٨٠ كه‌س به‌هۆی ته‌قینه‌وه‌ی بۆمب له كابول
پێنجشەممە ۲۷-۰۵-۱۴۰۱ | 18-08-2022
ڕۆژی چوارشه‌ممه ٢٦ی گه‌لاوێژ، به‌هۆی ته‌قینه‌وه‌ی بۆمب له ناوچه‌ی “كوته‌ل خه‌یرخانه”ی كابول، لاینكه‌م ٣٠ كه‌س گیانیان له‌ده‌ستدا و ٥٠ كه‌سی دیكه‌ش برینداربوون.
به گوێرەی ڕاپۆرتەکان، بۆمبێك له مزگه‌وتێك له‌ناوچه‌ی “كوته‌ل خه‌یرخانه”ی كابول ته‌قیوه‌ته‌وه کە لە ئاکامدا ٣٠ کەسی مەدەنی لەوانە ٥ منداڵ بوونه‌ته قۆربانی و ٥٠ كه‌سی دیكه‌ش به‌سه‌ختی برینداربوون. جێگای ئاماژه‌یه كه هێشتا هیچ گرووپێك به‌رپرسیاره‌تی ئه‌و ته‌قینه‌وه‌ی نه‌گرتووه‌ته ئه‌ستۆ.
