مەترسی لەسێدارەدانی ژنێکی خەڵکی بۆکان لە زیندانی ورمێ
دوشەممە ۳۱-۰۵-۱۴۰۱ | 22-08-2022
ژنێکی بەندکراوی خەڵکی بۆکان بە ناوی سەحەر مورادی تەمەن ٢٧ ساڵ کە پێشتر بە تۆمەتی کوشتنی ئەنقەست سزای سێدارەی بە سەردا سەپاوە، مەترسیی جێبەجێکرانی سزاکەی لەسەرە.
بە پێی ڕاپۆرتەکان، لە ڕۆژانی ڕابردوودا بەرپرسانی بەندی ژنانی بەندیخانەی ناوەندیی ورمێ سەحەر مورادی بەندکراوی خەڵکی بۆکانیان ئاگادار کردووەتەوە کە سزاکەی بە زوویی لە بەندیخانەی ورمێ جێبەجێ دەکرێت.سەحەر مورادی خەڵکی بۆکان شەش ساڵ پێش بە تۆمەتی کوشتنی ئەنقەست لەلایەن هێزە ئینتزامییەکانی ڕژیمەوە دەستبەسەر و دواتر لەلایەن دەزگای دادی ڕژیمی کۆماری ئیسلامییەوە سزای سێدارەی بەسەردا سەپاوە.
